இன்றைக்கு ஏனிந்த ஏகாந்தமோ

இன்றைக்கு ஏனிந்த ஏகாந்தமோ
ஞாயிற்றுக்கிழமை வேலைகளோ

அடுத்த சனிவரை தேவையான
மாவு அரைத்து முடியலையோ

மதிய வேளை சாப்பாட்டுக்கு
மட்டன் பிரியாணி தயாரிப்போ

வாரம் முழுவதும் சேர்த்துவச்ச
அழுக்கு மூட்டை அலசலோ

அவசரமாக அழைப்புவந்து
அம்மா வீட்டுக்கு பயணமோ

அடுத்தமாத கல்யாணஅழைப்புக்கு
அன்பளிப்பு வாங்க ஷாப்பிங் கோ

இன்றைக்கு ஏனிந்த ஏகாந்தமோ

ஆபீஸின் மெயிலுக்கு
ஆசுவாசமாய் பதில் டைப்பிங் கோ

அடித்து அடித்து திருத்தி
ப்ராஜக்ட் ரிப்போர்ட் ரைட்டிங் கோ

திரையரங்கில் திரைப்படமோ
நெட்ப்ளிக்ஸ் ல் சீரியலோ

இன்றைக்கு ஏனிந்த ஏகாந்தமோ