விஜி EEE

ஆண்டு அதிகமாக
முதுமை வரும்

உலக நியதி!

அதை உடைத்தெறிந்த
மார்கண்டேயி எங்கள் விஜி!

பாவாடைச் சட்டையில்
பள்ளி செல்லும் மாணவி
சேலை கட்டி நின்றால்
கல்லூரி மாணவி

முல்தானி மிட்டிக்கே
முகப்பொலிவை பரிசளிப்பாள்
முல்லைப் பூவுக்கே
பல்வரிசை பரிசளிப்பாள்!

இஞ்சி இடுப்பழகி
எலுமிச்சை நிறத்தழகி!

சமையலில் நளாகினி
சாந்தத்தில் பூமாதேவி!

குறையொன்றுமில்லாது
நிறைவான வாழ்க்கை வாழ
இதயம் கனிந்த வாழ்த்துகள்!

இனிய பிறந்தநாள் வாழ்த்துகள் விஜி!
பல்லாண்டு வாழ்க! 

லட்சுமி EEE

நூறு ரூபாய்
கொடுத்தால்
ஆயிரம் ரூபாய்க்கு
உழைக்கும்
மகா உழைப்பாளி
உழைப்பின் சிகரம்!

கல்லூரிக்கு
புகழ் சேர்க்க
கண்ணயராது
உழைப்பவள்
துணைமுதல்வர் கையில்
பரிசு வாங்கி
பத்தாமல்
பிரதமரிடம் பரிசு வாங்க
ஓடி ஓடி உழைப்பவள்!


காவல் கண்காணிப்பாளர்
மனைவி என்பதால்
கூடுதல் பொறுப்பு
வீட்டை மறந்து
விடுமுறை இல்லாது
உழைக்கும் கணவரை
சரியாக புரிந்துகொண்டு
சண்டை செய்யாத
சாமர்த்திய மனைவி!

முதல்மகளை
கரைசேர்த்து
மாமியாராக
முந்தியவள்!

நலமுடனும்
வளமுடனும்
நீடூழி வாழ்க லக்ஷ்மி!

 

சத்யப்பிரியா

படிக்காத
புத்தகத்திற்கு
முகவுரை
எழுதும்
ஆசிரியர் போல
நான் பழகிடாத
தோழிக்கு
வாழ்த்துரை
எப்படி வழங்குவேன்?

நீ வளர்க்கும்
வாழையைப்போல
வாழ்வாங்கு
வாழ்க தோழி!

வாழையின்
பாகங்கள்
அனைத்தும்
பயன்படுவது போல
நீ எடுத்துக்கொண்ட
பாத்திரங்கள்
மகள்
மனைவி
தாய்
சகோதரி
தோழி
என்று
அனைத்திலும்
பெருமை
பெறுக!

ரத்தத்தால்
வந்த
சொந்தங்கள்
தூரம்
நின்ற போதிலும்

காலத்தால்
வந்த
பந்தம்
அருகில் நிற்க
குறையொன்று
உண்டோ கண்ணே?

முழுமதியே
பகல்நிலவே
பல்லாண்டு வாழ்க!

இனிய பிறந்தநாள்
வாழ்த்துகள் சத்யா! 💐💐💐

மரங்களின்
காதலியோ நீ
இலைகள்
தூது வருகின்றன!

உன்னை
நெருங்க
ஆசைப்பட்டு
மயங்கி
விழுந்தன
இலைகள்!

உன் நிழல்
விழுந்ததும்
ஆசுவாசப்பட்டன

முதல் முத்தம்
பெற்ற
காதலனைப்போல!

கவனமாக
வீடு செல்
உன்னைக்
கடத்தி செல்ல
கார் ஒன்று
காத்திருக்கிறது
மரத்தின்
பின்னால்
ஒளிந்துகொண்டு!

நீ ஜன்னலை
திறந்துவைத்து
ஆடைமாற்றினாயோ

ரகசியமாக
மரம்
எட்டிப்பார்த்து
உன் ஆடையின்
கலருக்கு
ஏற்றாற்போல
தன் நிறத்தை
மாற்றிக்கொண்டது!

இந்த
மரத்திற்குத்தான்
உன்மீது
எத்தனை காதல்!

❤❤❤

 

குரு

பொங்கல்...

பானையில்
பொங்கும்
என அம்மா
காத்திருக்க

ரகசியமாய்
தன் முகத்தில்
பொங்கவைத்தாள்
புன்னகையை!

அருகிலுள்ள
கோரைப்புற்கள்
குசுகுசுவென
பேசிக்கொண்டன!

திடீரென
பிங்க் ரோஜா
தங்களருகில்
எப்படி
முளைத்ததென!

நிரம்பி
வழிகிறது
புன்னகை
அவள்
அன்றாடம்
புழங்கும்
வங்கிப்
பணத்தை போல!

சேமிப்பு
முதலீடு
பொருளாதாரம்
சிலபஸ்ஸில்
பிகெச்டி
வாங்கிய குரு!

தன் துறையில்
சீமாட்டி!
தோழியரின்
சிரிப்பூட்டி!

12/11/2025 : 6.10 PM 

வெகுதூரம்

சுமந்து 

வந்த

என்னை

தூரத்தில்

தள்ளி வைத்து

நேற்று

முளைத்த

அருகம்புல்

அருகில்

பொங்கல்

வைக்கிறாள்

இந்த குரு....

கோபித்துக்கொண்டது

அவள் கார்

மருமகளை

வெறுக்கும்

மாமியாரைப்போல! 

தென்னையும்

சலித்துக்கொண்டது

ஆமாம்

கார் அக்கா

நாமெல்லாம்

ஆகாதவர்

ஆகிவிட்டோம்! 

நமக்கு

பின்வரிசை

அருகம்புல்லுக்கு

முன்வரிசை!

அடுத்த 

வெய்யில்

காலத்தில்

நான்

அவளுக்கு

இளநியும்

தரமாட்டேன்

தேங்காயும்

தரமாட்டேன்

கோபத்தில்

தென்னை

பொரிந்து 

தள்ளியது!

12/11/2025 : 6.36 PM 

 

பார்கவி

சோழர் கால
சிற்பமொன்று
தூணிலிருந்து
வெளிப்பட்டது!

சோழச்சிற்பி
கலையில்
சிறந்தவன் தான்

சிற்பத்திற்குள்
பார்கவியை
மறைத்து
பிறந்தநாளில்
வெளிவர
வைத்துள்ளான்!

Scheduled delivery
அப்பவே
அறிந்து
அமேசானுக்கு
அப்பன் ஆனான்!

நவீன 

அசோகவனத்தில்

ரெங்கனுக்காக

காத்திருக்கும்

சீதையோ நீ?

பார்கவி

பெற்ற இரண்டையும்
பெறாத இரண்டையும்
மொத்தமாக சுமக்கும்
அன்னை தெரசா!

லதா மங்கேஷ்கர் பாதி
ஸ்வர்ணலதா மீதி
கலந்து செய்த
கலவை!

பலமொழிப் பாடகி
என்பதைத் தாண்டி
பல மெட்டுகளில்
பாடி அசத்தும்
டி - ப்ளாக்
கானக் குயில்!

நச்சென்ற காமெடி
நேரத்திற்கு
ஏற்றாற்போல்
சட்டென்று
கொட்டும் கிரேஸி!

பழமை விடாது
புதுமை விடாது
இரண்டையும்
தொடரும்
புதுமைப்பெண்!

இனிய பிறந்தநாள்
வாழ்த்துகள் பார்கவி!

நூறாண்டு வாழ்க
நோய்நொடியின்றி வாழ்க!

❤❤💐💐💐

12/11/2025 : 12.28 PM / Wednesday 

சுகந்தி

சுகவாசி
சுகபோகி

சுதந்திர தேவி! 

எனது வலியை
அறிந்தவள்
வறுமையை
பகிர்ந்தவள்
செழிப்பில்
மகிழ்ந்தவள்

அகம் புறம்
அனைத்தும்
அறிந்தவள்

உரிமையை
தருவாள்
எடுப்பாள்
என்னிடம்

பேசிப் பேசி
தீர்ப்பாள்
பேசாமல்
தவிப்பாள்!

எனக்காக
என் கணவரிடம்
வாதாடும்
ஒரே
வக்கீல்!

வாகனங்களை
சோதனையிட்டு
ஓட்டுனர்களை
ஓனர்களை
திணர வைக்கும்
கோடீஸ்வரி!

அடுத்த
பிறந்தநாளுக்குள்
ஆர்டிஓ
ஆகிவிட
இந்தப் பிறந்தநாளில்
இறைவனை
வேண்டுகிறேன்.

இனிய
பிறந்தநாள்
வாழ்த்துகள்
சுகந்தி!
❤❤❤💐💐💐

மேனகா

எடை கூடாத
இடையழகி!

எள்ளுப்பூ
மூக்கழகி!

தங்க
நிறத்தழகி!

தண்மையான
சிரிப்பழகி!

இவளிடம்
முருங்கையும்
வழிமுறை
கேட்கும்
முத்தாமல் இருப்பது
எப்படியென!

மேனகையின்
மோகனத்தில்
மயங்காத
மயில் உண்டோ?

மூன்றாம் மாடி
ஏறவே
மூச்சிரைக்கும்
தோழியர்
கூட்டத்தில்
டேபிள் டென்னிஸ்
விளையாடி
மாநில அளவில்
உயர்ந்தவள்!

உள்ளத்தை
இல்லத்தை
அழகாக
வைத்திருப்பாள்!

காஞ்சிபுரம்
சேலைகளை
குத்தகையில்
எடுத்திருப்பாள்!

அழகே
அறிவே
நீடூழி வாழ்க!

இனிய
பிறந்தநாள்
வாழ்த்துகள்
மேனகா!

❤❤❤

சிலை

ஏன்

கோவிலுக்கு

வெளியே 

நிற்கிறது?

இதுதான்

இக்கோவிலின்

சிறப்பம்சமோ? 

😄😄😄

கௌசி - வசு : இரட்டையர்

புளியங்காயும்
மாங்காயும்
வெள்ளரிக்காயும்
இலந்தைப்பழமும்
கல்லில் கொட்டி
உப்பும் மிளகாய்ப்பொடியும்

போட்டு
பகிர்ந்துதின்ற
இளமைப்பருவம்!

பத்தாம்வகுப்பு
பன்னிரெண்டாம் வகுப்பு
அரசுத்தேர்வு
பயத்தை
பாடக்குறிப்புகளை
பகிர்ந்துகொண்ட
பள்ளிப்பருவம்!

கல்லூரியில்
பட்டாம்பூச்சியாய்
சிறகடித்து
பறந்ததுவரை
எத்தனை எத்தனை
நினைவுகளின் சேமிப்பு
இருவருக்கும்!

போதாது என்று
திருமணத்திற்கு
பின்னும்
தக்காளியும்
சுரைக்காயும்
கறிவேப்பிலையும்
வெண்டைக்காயும்
அன்றாடம்
கைமாற்றும்
மகாபாக்கியசாலிகள்
கௌசியும் வசுவும்!

வேர்கள் அற்ற
வேற்றுமண்ணில்
வேராகவும்
நீராகவும்
ஒருவருக்கொருவர்
ஆதரவு!

முன்ஜென்ம பலனோ
முன்னோர்கள் வாழ்த்தோ
ஏதோ ஒன்று
பாலமாக்கி
இணைத்தது
இவ்விருவரை!

இன்னும் பல்லாண்டு
இருவரும்
இணைந்திருந்து
நட்புக்கு இலக்கணம்
எழுதிடுவீர் இருவரும்!

💐💐💐❤❤❤

பூங்கொடி

பிரியாணியை

நேசிக்கும்

பெண்ணும் நீ!

பிரியாணியே

நேசிக்கும்

பெண்ணும் நீ! 

அலுவலகத்தில்

மேலதிகாரி

திட்டினாரா

பிரியாணி!

வீட்டில்

ஆத்துக்காரர்

திட்டினாரா

பிரியாணி!

விசேஷம்

இருந்தாலும்

பிரியாணி!

விசேஷம்

இல்லையென்றாலும்

பிரியாணி! 

பிரியாணி ப்ளூஸ்

ஷேர் விலை

பூங்கொடியால் தான்

ஏறியதாக

நம்பத்தகுந்த

வட்டாரங்கள்

சொல்கின்றன

ஸ்ரீஜா.... 😂😂😂

சாரி பூங்கொடி... 😂😁😁

அம்மு எனும் அம்மா

அம்மா
தேடாதவரை
எதுவும்
தொலைவதில்லை

அம்மு
சொல்லாதவரை
தரவு
தொலைவதில்லை

பிறந்தநாள்
திருமணநாள்
நிழற்படம்
என
அத்தனையும்
சேகரித்து
தேவைப்படும்போது
தரும்
தரவுப்பெட்டகம்.

நினைவுத்
துகள்களாய்
எங்களை
சுமந்து
அவ்வப்போது
மகிழ்ச்சி
துளிகளைத்
தூவும்
தரவுமேகம்!

இன்பத்தை
எமக்கு அருளி
துன்பத்தை
தனியாக
எதிர்கொண்ட
தைரியசாலி!

அம்மாக்களுக்கு
அம்மா ஆன
அம்மம்மா
எங்கள் அம்மு!

❤❤

விஜி

உன் வீட்டு
சமையலறை
நாடாளுமன்றமா
விஜி?

எல்லாருக்கும்
இட ஒதுக்கீடு
சரிசமமாக
தந்துள்ளாய்!

வெண்டைக்காய்
கத்தரிக்காய்
ராஜ்மா
கருணைக்கிழங்கு
பாகற்காய்
துவையல்
ரசம்
புளியோதரை
என்று
எல்லோருக்கும்
காய்கறித்தொகை
கணக்கெடுப்பு
நடத்தினாயா?

கறியும் காயும்
சரிசமமாக
பங்கி
பொதுவுடைமைக்
கொள்கையை
சமையலறையில்
ஆரம்பித்தாய்!

 

விஜய கௌரி

கன்னத்தில் 

ததும்பிய

இளஞ்சிவப்பை

கடனாகத்

தந்தாள்

கௌரி! 

தரைக்கும்

தாரைவார்த்து

மலருக்கும்

கலர் தந்தாள்! 

கௌரி சிவில்

இரண்டு 

இன்னிசை

அளபெடைக்கு

சொந்தமானவள்

கருவறையான

கல்லூரிக்கு

சேவை செய்யும்

பாக்கியம் பெற்றவள்! 

தொழிலில்

உச்சம் தொட்ட 

தென்றல் மொழியாள்

கௌரிக்கு இனிய பிறந்தநாள்

நல்வாழ்த்துக்கள் 

💐💐💐

சிவா

ஜோதியின்

கரம் 

பட்டதும்

வெட்கத்தில்

சிவந்தது

சேலை! 😄❤

சேலை

மனசுல

சிவா! 😁 

இந்துமதி ஈசிஈ

இந்துவுக்கு

பிறந்தநாள்

வாழ்த்து சொல்ல

முப்பத்து முக்கோடி

தேவர்கள்

கோபுரத்தில்

வரிசையில்

கையுயர்த்தி

நிற்கின்றனர்! 

😍😍😍

வாழ்த்துகள் இந்து! ❤💐

சத்யபிரியா

கன்னத்தில்

சந்தனம்

நெற்றியில்

குங்குமம்

லேசாக 

பூசிய வயிறு

டி ப்ளாக்கின்

கடைசி வாரிசு

வருகிறதா? 

பார்கவி

தாமிரவிளக்கிற்கும்

தங்கவிளக்கிற்கும்

போட்டி!

யார் அதிகம்

ஜொலிப்பதென்று! 

கலைவாணி

அன்புத் தோழி கலைவாணி
அப்படியென்ன அவசரம்
இவ்வளவு சீக்கிரம் போய்
அதிர்ச்சியடைய வைத்தாயே

தாமதமாக எழுந்து
அவசரமாக கிளம்பும் மகன்
காலை உணவின்றி
வெளியேறும் நேரம்
ஒரு வாய் சாப்பிட்டுப் போடா
என கதவு வரை  கத்திப் பின்செல்ல
நீயில்லாமல் அவன்
கண்ணீரோடு போவானே
அவனுக்கு எப்படி
ஆறுதல் சொல்வோம்?

உன் ஞாபகம் அலைமோதும் வேளையில்
அம்மா அம்மா நீ எங்கே அம்மா
உன்னைவிட்டா எனக்கு யாரு அம்மா பாடலும்
ஆசைப்பட்ட எல்லாத்தையும்
காசிருந்தா வாங்கலாம்
அம்மாவை வாங்க முடியுமா பாடலும்
உன் மகனின் மியூசிக் ஆல்பத்தில்
தவறாமல் ஒலிக்குமே
அதைக்கேட்கும்போதெல்லாம்
அவன் கன்னங்களில் கண்ணீர் வழிந்து ஓடுமே
அதை எப்படி தடுப்போம் நாங்கள்?

செல்போனை மறந்து
டேபிளில் வைத்துவிட்டு
வாசல் வரை சென்ற உன் கணவர்
திரும்பி வர சோம்பேறிப்பட்டு
சத்தமாக உன் பெயர் சொல்லி அழைத்து
போனை எடுத்துவர சொல்வாரே
மறந்த பொருளை எடுத்து தர
நீயில்லை என்பதை உணர்ந்து
கண்கலங்கி நிற்பாரே
அவருக்கு எப்படி
ஆறுதல் சொல்வோம்?

கோவிலிலும் திருமண விழாக்களிலும்
பட்டு உடுத்தி வரும் பெண்ணைக் கண்டால்
இதே மாதிரிச் சேலை கலையிடமும் இருந்ததே என உன் கணவர் நினைவில்
வலம் வருவாயே...
பாத்ரூம் டைல்ஸில் ஒட்டிய பொட்டும்
அலமாரியில் அடுக்கப்பட்ட துணிகளும்
தவறாது உன் நினைவை வரவழைக்குமே
இதை எப்படித் தடுப்போம் நாங்கள்?

கல்லூரிக் கேபினில் அன்றாடம்
நீ அமரும் நாற்காலி
பத்து நாளாக கலையைக் காணோம்
உனக்கு எதுவும் விசயம் தெரியுமா என
மேஜையிடம் விசாரிக்குமே
நீ வரவே போவதில்லை என
நாற்காலிக்கு எப்படி
செய்தியை தெரிவிப்போம்?

உன்னிடம் படித்து முடித்து
உயர்நிலைக்கு போன மாணவன்
கல்யாண அழைப்பிதழ்
கொடுக்க வந்து நிற்பானே
நீயில்லை எனத் தெரிந்து
கலங்கி நிற்பானே
அவனுக்கு எப்படி
ஆறுதல் சொல்வோம்?

உன் வழிகாட்டுதலில்
முனைவர் பட்டம் பெற்ற
கலைச்செல்வி மற்றவரிடத்தில்
தன்னை அறிமுகப்படுத்த
டாக்டர் கலைச்செல்வி எனும்போது
டா...க்...ட...ர்.... என இழுப்பாளே
குரல் தழுதழுத்து அவளுக்கு
தொண்டை அடைக்குமே
அவளை எப்படி சமாதானப்படுத்துவோம் நாங்கள்?

அவசரமாக ஏன் சென்றாய் தோழி
அப்படி என்னதான் வேலையோ
மேலோகத்தில்!

சரி போனது போனாய்
அங்கே நிம்மதியாக இரு!
நாங்கள் உன்னை
பார்க்க வரும்வரை
அங்கொரு D Block
தயார் செய்து வை!
ஆசையோடு விளையாட
ஊஞ்சல் கட்டி வை!
ஆனந்த விகடன் வாங்கி வை

எமனையும் ஆட்சி செய்
உன் மாறாத புன்னகையால்!

நீ எங்கள் பார்வையில்
இருந்து மறைந்திருக்கலாம்,
ஆனால் எங்கள் இதயங்களிலிருந்து ஒரு போதும் இல்லை.
நீ நிம்மதியாக ஓய்வெடு,
நீ விட்டுச் சென்ற அன்பிலும்
உன் நினைவுகளிலும்
நாங்கள் ஆறுதல் பெறுவோம்.

நன்றி.

உமா

                                  (1)

அவசரக்காரி

பதினேழு

வயதில்

காதலியானாள்

முப்பத்தேழு

வயதில்

விதவையானாள்

எல்லாவற்றிலும்

அவசரம்

இந்த உமாவுக்கு! 

                                  (2) 

கண்களால்

காவலா மது? 

                                 (3)

கந்தனைப்

போற்றுவதற்கு

பதில்

தாயைப்

போற்றும்

மகள்! 

தாயிற்சிறந்த

கோவில் இல்லை

என்கிறாளோ? 

                            (4)

அம்மா
இந்த
வேல்முருகன்
மிகவும்
பொல்லாதவன்!

வேலை வேண்டி
விண்ணப்பம்
வைத்தேன்!

அவனோ
வள்ளிக்கும்
தெய்வானைக்கும்
வயதாகிவிட்டது

உன் வேல்விழியில்
மயங்கினேன்
என்னை
விவாகம்
செய்யத் தயாரா
எனக் கேட்கிறான்

சிலம்பம்
தெரியுமென
சட்டென சொல்லி
அவன்
வேலெடுத்து
சுழற்றி
மண்டையில்
ஒரு போடுபோட்டு
உறவுமுறையில்
நான் உன் தங்கை
உமையாளின்
மகள் எனச்
சொன்னாயா?