மோதி அந்தாதி

ஜனநாயகத்தை
விழுங்கும்
கிரகணமே
போற்றி போற்றி

வாய்சொல்லில்
வீரனே போற்றி போற்றி
வடைமாலை
நாயகனே
போற்றி போற்றி

பொய்மொழி வேந்தனே
போற்றி போற்றி
பொறாமையில்
தகிப்பவனே
போற்றிபோற்றி

கொலைவெறி
கொண்டவனே
போற்றி போற்றி
தலைவலியாய்
வந்தவனே
போற்றி போற்றி

இந்தியாவை
சீரழிக்கும்
ஏழரையே போற்றி
அதானியை
வாழவைக்கும்
அடிமுட்டாளே போற்றி

வஞ்சம்நிறை வேந்தனே
போற்றி போற்றி
வறுமையை
தந்தவனே
போற்றி போற்றி

எதேச்சதிகார எச்சமே
போற்றி போற்றி
எல்லோரையும்
வாட்டி வதைக்கும்
ஈனப்பிறவி
போற்றி போற்றி

நாளொரு அலங்காரம்
பொழுதொரு நாடு சுற்றும்
நடிகனே போற்றி போற்றி

எதிர்ப்போரை எல்லாம்
நசுக்கி புதைக்கும்
எமனே போற்றி போற்றி

சனியனே போற்றி
சகுனியே போற்றி
பீடையே போற்றி
பீளையே போற்றி
பிள்ளை உண்ணும்
சுடுகாட்டு முனியே போற்றி
ஆணவ மனிதா போற்றி
அகங்கார மிருகமே போற்றி

குறள் : 1219

கனவு இனிக்கும்

கண்டுபார் பெண்ணே

வங்கிக் கணக்கில்

லட்சங்கள் 

வந்ததாய்

கனவு காண்

இனிக்கும்

எரிவாயு விலை

நானூறு என்று

கனவு காண்

இனிக்கும்

பிரதமர் பதவியில்

அமரும் ராகுலுக்கு

முதல் மாலை

மோதி அணிவிப்பதாய்

கனவு காண்

இனிக்கும்

3% GDP வளர்ச்சியை

8% GDP வளர்ச்சியாய்

கனவுகண்டு சங்கிகள்

இன்புறுவதை போல

இரண்டு ஆண்டுகள்

சிறைதண்டனை

விதித்தால்

ராகுலின் வாயை

அடைத்துவிடலாம்

என கனவுகண்டு

இன்புறும்

ஆட்சியாளரைப்போல

ஒலிபெருக்கியை

சபையில் மறுத்தால்

ஒட்டுமொத்த

இந்தியாவும்

அமைதியாகும்

என்று கனவு காணும்

அற்பரை போல

உன் காதலர்

கனவில் வந்து

உனை கொஞ்சி

மகிழ்வதாய்

கனவு காண்

பேதைப்பெண்ணே

கனவில் நடப்பவை

ஒருநாள் நனவிலும்

நடக்கும் ஆகவே 

கனவு காண்!

ஆணின் உறுதிமொழி

வாழ்வில் 

உங்களை

தாக்கவரும்

அனைத்து 

அம்புகளில்

இருந்தும்

உங்களை

காப்பேன்

வறுமை

வெறுப்பு

தீயோர் கண்

நோய்கள்

பயம்

வெறிகொண்ட

மனிதர்கள்

மிருகங்கள்

இல்லாமை

கல்லாமை

என

எந்தவகையில்

தீங்கு வந்தாலும்

என்னையே

நான் தந்து

இருந்தேனும்

இறந்தேனும்

உங்களை

காப்பேன்!

குறள் 1212

விட்டால்போதும்

வாயாடிபேச்சு

தாங்கலை

என்றுதானே

வேலையை

காரணம்காட்டி

மாறுதல்

வாங்கி

போனேன் 

தூரமாக!

இப்போது

கனவில் வந்தாலும்

உன்துயர் சொல்லி

புலம்புவேன்

என்கிறாய்

நானெல்லாம்

வரமாட்டேன்

போடி.........

நீயாச்சு......

உன் புலம்பலாச்சு..

குறுஞ்செய்தி

அனுப்பினார்

காதலர்!

சோகங்கள் 😔😔😔

குறள் : 1209

உன்னிடம்

எதாவது நான்

பேசமாட்டேனா

என்று ஏங்கிய

காலம்  மறந்தாய்

என்னசொல்லி

பேச்சை

ஆரம்பிப்பது

என தினம்

ஒருவிதம்

தேடி பேசுவாய்

நீ பேசலனா

நாளே போகலடி

என்று புலம்புவாய்

குட் மார்னிங்

சொல்லவில்லை

என்று இரண்டுநாள்

மூஞ்சியை 

தூக்கிவைத்திருந்தாய்

எனை உன்

சுவாசக்காற்றென்றாய்

உன் காகிதத்தில்

எழுத்தாகும்

மை என்றாய்

உன்போனுக்கு

நான்தான்

தீராத சார்ஜ்

என்றாய்

மோதிஅதானி

உறவைக் காட்டிலும்

மேலான ஆழம்

நம் காதல்

என்று வக்கனை

பேசினாய்

அத்தனையும்

மறந்து எனை 

பித்தாக்கி

சுற்றவைத்தாய்!

உன்னை அளவற்று

நேசித்ததை தவிர

அப்படி என்னடா

தவறு செய்தேன்?

block unblock

பேசவே கூடாது....காயவிடணும்

Block....

Sorry சொல்வானோ...

Unblock.....

Sorry கூட சொல்லலை பாரேன்....

Block........

சாப்பிட்டானா தெரியலை கேக்கணுமே.....

Unblock....

ஹூம். சாப்பிட்டா என்ன 

சாப்பிடலனா என்ன கிடக்கட்டும்...

Block.......

Upset ஆக இருப்பானோ.....

Unblock.....

குறள் : 1207

நின்னை

நினையாமல்

இருப்பதற்கும்

முடியாமல்

மறப்பதற்கும்

முடியாமல்

தள்ளாடி 

தவிப்பதற்கு 

பதிலாக 

நான் இல்லாமல்

போகவே 

முயற்சிப்பேன்

நினைவுகள்

கொல்வதற்கு

முன்னர்

நிஜத்தை

கொல்வது 

எளிதாக

படுகிறது.

காற்றிலாத

பலூன்

நீரிலாத

குளம்

நீலம் இலாத

வானம்

இருந்தால் என்ன

மறைந்தால் என்ன!

குறள் :1206

கண்கள்
உறுதி செய்த
காதலை
வாய்மொழியில்
கொண்டுவர
தெரியாமல்
சம்பந்தமில்லாத
வார்த்தைகள்
கொண்டு
தொடங்கிய பேச்சு
'காபி வித் இந்துவா'
இன்றும் காலையில்
சொல்லி பார்க்கிறேன்

நீயும் பேச தெரியாமல்
கடைக்குபோறேன்
ஏதேனும் வேண்டுமா
கேட்டு முழித்தாய்
ஷாம்பு வாங்கிவா
சொன்னதும்
அதோடு சேர்த்து
டெய்ரி மில்க்கும்
வாங்கிவந்தாய்


எனை கேலிசெய்த
ஒருவனை கேள்விகேட்க
படைதிரட்டி சென்று
பயமுறுத்தி வந்தாய்

இப்படி எண்ணற்ற
இனியநினைவுகளால்
என் இன்றைய
வாழ்க்கை ஓடுகிறது

நீ இல்லைஎன்றாலும்
உன்நினைவுகள்
காற்றாகி நீராகி
எனை உயிர்ப்பித்து
கொண்டிருக்கின்றன

உன் வருகைக்காக
எனை காக்கவைக்கின்றன!

குறள் 1204

(சமையலறையில் நான். ஜன்னலில் பழுப்பி. காலை 7மணி)

பழுப்பி : மீமீ.... மியாவ்வ்.. யாயா?
நான் :  பாலூற்றும் மாமா ஊருக்கு போயிட்டார்

பழுப்பி : யாவ்மி... மமியாவ்..மிவ்யாயா?
நான்: எப்ப வருவார்னு சொல்லலைடி

பழுப்பி: மியாவ்..மியாவ்மியாவ். மிவ்வ்மி
நான்: என்னையே நினைச்சுக்குவாரா தெரியலை. இதுல உன் ஞாபகம் வருமானு வேற கேக்குறே. ஆசைதான்டி உனக்கு!

பழுப்பி: மியாவ்மி மிமிமி யாவ்மி மிவ்
நான்: ஏன் நான் பால் ஊற்றினா ரதிக்கு தொண்டைல இறங்காதா? அவரேதான் ஊத்தணுமா?
பழுப்பி: யாவ்மி வயாவ்மி மியாவ்!
நான்: சரி சரி புலம்பாதே பால் கொண்டு வரேன்.


Compliments : 

குறள் : 1201

காக்கைச் சிறகினிலே நந்தலாலா அவள் கருங்கூந்தல் தோன்றுதடா நந்தலாலா 

பார்க்கும் மரங்களெல்லாம் நந்தலாலா அவள்

பச்சைநரம்புகள் தோன்றுதடா நந்தலாலா 

கேட்கும் ஒலியிலெல்லாம் நந்தலாலா அவள்

குரலே இசைக்குதடா நந்தலாலா 

தீக்குள் விரலை வைத்தால் நந்தலாலா அவளை

தீண்டும் இன்பம் தோன்றுதடா நந்தலாலா

குறள் :1202

நீளும் நேரங்கள்

நினைவுகளால்

நிறைகிறது

கடக்கும் பாதைகள்

கடந்த பாதங்களை

கைகோர்த்து நடந்த

நிமிடங்களை

ஞாபகப்படுத்துகிறது

தொலைவில் கேட்கும்

ராகங்கள் எனக்காக

நீ பாடிய வரிகளை

நினைக்க வைக்கிறது

உடல் பிரிந்தால் என்ன

உள்ளம் சேர்ந்தால் 

போதாதா?

நினைவாலே

சிலைசெய்து

நித்தம் உனை

பூஜிக்கிறேன்!

compliments :

மகளிர் தின வாழ்த்துக்கள்

பெண்ணே!
பொன்னே!
உன்னை நீ அறிவாய்!

உனக்கு
போருக்கு
தலைமைதாங்கி
வெல்லும்
வலிமையுண்டு
வங்காளப்போர்
வரலாறு
படித்தாயா

எதிர்ப்பது என
முடிவானால்
எவருக்கும்
பணியாதே!
அஞ்சாமை
சொல்லுக்கு
பொருளாகவேண்டும்
அணுவை ஆராய்வோம்
ஏழ்மையை
ஒழிப்போம்

அலட்டாமல்
அசராமல்
அஞ்சாமல்
சூழ்நிலையை
புரிந்துகொண்டு
வென்றுகாட்டுவோம்
ஆண்கள்சூழ்
அரசியலில்
நமக்கென்று
தடம்பதிப்போம்

தடுப்பையும்
தாண்டுவோம்
அண்ணனுக்கும்
தம்பிக்கும்
நம்பிக்கை
தந்திடுவோம்

கஷ்டத்தில்
பங்குகொண்டு
காலமெல்லாம்
உடன் இருப்போம்

இனிய மகளிர்
தின வாழ்த்துக்கள்!

குறள்:1203

காதலர்

மோதி

தும்மல்

மூவரும் ஒன்று

ஒருவர்

நினைப்பது

போல் நடித்து

நினைக்காது

மறப்பார்

மற்றவர்

கொடுப்பது

போல் நடித்து

எடுத்துகொள்பவர்

4% அகவிலைப்படி தந்து

18% சேவை வரி பிடிப்பார்

தும்மல் வருவது

போல நடித்து

வராமல் துன்புறுத்தும்

ஆக மூவரும் 

ஒரே குட்டையில்

ஊறிய மட்டைகள்!

குறள் : 1200

இரக்கமே இல்லாத

தலைவனிடம்

சிலிண்டர் விலை

அம்பது ரூபாய்

ஏற்றியது ஏன்

என கேட்பது 

செவிடன் காதில்

ஊதிய சங்குபோல!

அப்படித்தான்

இருக்கிறது

ஆசையே இல்லாத

ஆடவனிடம்

அன்பை எதிர்பார்ப்பது

கடலை தூர்ப்பது

போல கடினமானது!

நான் என்ன

வேட்பாளரா

கைகூப்பி

வணங்கி

அன்பு ஓட்டு

கேட்டுவாங்க?

Comments :

குறள் 1199

கோபம்

என்றால்

கொட்டிவிடு

சனியனே

சொல்லும்

தித்திக்கும்

மௌனம்

மட்டும்

காக்காதே

வருத்தம்

என்றால்

சொல்லிவிடு

முகத்தை

மட்டும்

திருப்பாதே

எதிரெதிரே

சந்திக்கையில்

நலமா என்று

கேட்கவேண்டாம்

ஏறெடுத்தாகிலும்

பார்த்துவிடு

அப்பாவா

காதலா

குழப்பத்தில்

அப்பாவை

தேர்ந்தது

தவறுதான்!

குறள் : 1198

பிரியும்போது

தந்த முத்தத்தின்

ஈரம் காயாமல்

தினந்தோறும்

கண்ணீரால்

நனைத்து

காத்துவருகிறேன்

தெருமுனைவரை

திரும்பி திரும்பி

பார்த்து சென்றதும்

முனையில்நின்று

கையசைத்து

சென்றதும்

கண்ணைவிட்டு

அகலாமல்

காட்சியாக நிற்கிறது

'இன்று வருகிறேன்'

என்ற இனிப்பான

செய்தி கேளாமல்

கற்சிலையாய் நான்!

Comments : 

குறள் : 1196

இன்றைய 

நீதிதேவதையின்

தராசு அதிகமாக

வலப்பக்கம்

சாய்ந்ததால்

பணத்திற்காக

பதவிக்காக

சாய்க்கப்பட்டதால்

பாரதமாதா

களையிழந்து

வாடுகிறாள்

எந்தபக்கமும்

சாயாத 

நீதி தராசு

எல்லாரும்

விரும்புவதுபோல்

சமநிலை தவறாத

இருவரும்

நேசிக்கும்

காதலே

தலைசிறந்த

காதலாகும்

ஒருதலைக்காதல்

உவகை தராது!

குறள் : 1197

சூரியன் 

பூமியின்மீது

பாதி ஒளியை

வீசி பகலாக்கி

மீதி பூமியை

இரவாக்கி

இருளை

படரவைத்து

இன்னலில்

ஆழ்த்துகிறது.

அதுபோல

நிலாமகள்

மீதும் கதிரை 

வீசாமல்

அமாவாசை

ஆக்கி இருள்

படரவைத்து

இன்னலில்

ஆழ்த்துகிறது.

சூரியனும்

காமனும்

ஒன்றா?

பூமி

நிலா

பெண்

இருட்டால்

பசலையால்

வதைக்கப்படுன்றனர்!

சிலிண்டர் விலை ரூ 50 உயர்வு!

மு.க.ஸ்டாலின்

வாரிசு
என்பதால்
வாய்ப்பு
தரவில்லை

இதனை

இதனால்
இவன்முடிக்கும்
என்றாய்ந்து 

அதனை
அவன்கண் 

விட்டாரோ
கலைஞர்!

வாலிப வயதில்
இருந்து
கட்சிக்காக
உழைத்து
ஒவ்வொரு
படியாக
மேலேறி
வந்தவர்!

காதலியை
கைபிடிக்க
காத்திருக்கும்
காதலன்போல்
கோட்டையில்
கொடியேற்ற
50 வருடம்
காத்திருந்தார்

கட்சி உறுப்பினர்
சட்டமன்ற உறுப்பினர்
சென்னை மேயர்
துணைமுதல்வர்
செயல் தலைவர்
தலைவர்
முதல்வர்

இத்தனை படிகள்
ஏறியபோது
எத்தனை பொறுமை
இருந்திருக்கும்
67 வயதில்
முடிசூட்டுவிழா
அந்த பொறுமைக்கு
தலைவணங்கவேண்டும்

இவ்வளவுநாள்
பொறுமைக்கு
உதாரணமாக
பூமியை சொன்னார்கள்
இனிமேல்
பூமிக்கு பதிலாக
உங்களை
சொல்வார்கள்

அம்மா உணவகம்

மூடும்படி

வேண்டுகோள்

வந்தபோது

அதிமுக 

தொண்டனுக்கு

மட்டுமல்ல

எனக்கும் அவர்

அம்மாதான்

அவர் பெயரில்

உணவகம்

தொடரும் என்று 

சொன்னபோது

அம்மாவே

நெகிழ்ந்திருப்பார்!

பகைவருக்கும்

அருளும்

நன்னெஞ்சு உமக்கு!

இலவச பஸ்

பயணம்

எத்தனை

பெண்கள்

வாழ்வை

செழிப்படைய

செய்திருக்கும்!

உயர்கல்வி சேரும்

பெண்குழந்தைக்கு

ஆயிரம் ரூபாய்

ஊக்கத்தொகை

அவளை மகிழ்ச்சியில்

ஊஞ்சலாட

வைத்திருக்கும்! 

தலைவா 

உன் சேவைகள்

தொடரட்டும்

உன் ஆயுளும்

நீளட்டும்

நோய்நொடியின்றி

நூறாண்டுவாழ

மனதார
வாழ்த்துகிறோம்!
இனிய பிறந்தநாள்
வாழ்த்துக்கள்!

Hindi

ஜரூர் சிக்காதூங்கீ !

Jaroor sikkadhoongi !

கண்டிப்பாகசொல்லித்தருவேன் !

1. முஜே குச் கெஹ்னீ ஹை

Muje kuch kehni hai

எனக்கு சிலது சொல்லவேண்டும்

சந்தர்ப்பம் : நீங்கள் நண்பரிடம் ஏதேனும் சொல்லவிரும்பினால்

இந்த வாக்கியம் சொல்லலாம். 

2. ஆப் குச் கெஹ்னா சாஹ்தே ஹை க்யா?

Aap kuch kehna sahthae hai kya?

நீங்கள் எதாவது சொல்ல விரும்புகிறீர்களா?

3. ஆப் கலத்(சஹீ)போல்றே ஹை!

Aap galath(sahee) bol rae hai! 

நீங்கள் தவறாக(சரியாக)பேசுகிறீர்கள்!

4. ஆஜ் இத்னா காபி ஹை!

Aaj ethna cofi hai!

இன்று இவ்வளவு போதும்!