பாடுபொருள் யாரென
பதரே உனை கேட்பேனோ
தாமரை நேசனே
மல்லி வாசம் அறிவாயோ
சேற்றில் மலர்பவருக்கு
செருக்கு எதற்கு
அதைசெய் இதைசெய்
அதை தவிர் இதை தவிர்
திணிப்பவருக்கு தெரியுமோ
திண்பவனின் உணர்வு
நான் என்ன செய்யவேண்டும்
ஆணையிட நீ அண்ணணா
மூடனே மூளை வளர்
சமூகநீதி கொண்டாடும்
சமகால திராவிடரே
சமநீதி அறிவாயோ
கருத்து மாற்றுக்கருத்து
எல்லோருக்கும் இடமுண்டு
என் தோட்ட மலர் மணம் பேச
உன் செவியில் புகை ஏன்
கண்ணியம் யாதென
கனிமொழியாரை கேள்
நா கட்டுப்பாடு யாதென
முதல்வரை கேள்
எதையும் தாங்கும் இதயம்
யாதென அறிய
அறிவாலய நூலகத்தில்
அப்பப்போ நுழைந்து பார்
திராவிட பாசறை
பயிலரங்கம் சென்று பார்
எதுவுமே படிக்காமல்
எப்படி நீ திராவிடன்?
No comments:
Post a Comment