Friday, 13 May 2022

வெட்கம்

வெட்கம்

கருஞ்சிவப்பு ஆப்பிள் 
கையில் எடுத்தேன்
உன் கன்னம் ஞாபகம்
வந்ததால்
நறுக்க மனமின்றி
கத்தி நழுவியது
ஆப்பிளுக்கு வயது
உன்னைவிட அதிகம்
வரிகளும் புள்ளிகளும்
அதிகமாய் இருந்தது
மாசற்ற உன் கன்னம்
ஆப்பிளை ஜெயித்தது

மஞ்சள் கண்டதும்
உன் கண்கள் ஞாபகம்
நிறத்தை தானமாக்கி 
மஞ்சள் ஆனது
கர்ணணுக்கு தம்பி
கண்ணாடி தள்ளும்
நடுவிரல் அழகு
மீசையின் மையம்
கீழ்உதடு மையம்
கட்டைவிரல் நகர்ந்து 
அடிக்கடி அழுத்தியது
பதட்டமா வெட்கமா

மேல்வரிசை பற்கள்
பாதி மட்டும் தெரிய
விரல்நகம் கடித்து
சிரிக்கின்ற அழகு
ஆணிண் வெட்கம்
அவ்வளவு அழகு
விசிறிக்கும் காற்றுக்கும்
பணியாத கேசம்
உன் விரலுக்கு பணியும்
மாயமென்ன சொல்






,

No comments:

Post a Comment

அரசவை நிகழ்வு

சேரநாட்டு அரசவையில் ஆலோசனை நடந்தது! குளிர்பதன ஆலைக்கு பொறுப்பாளர் தேர்வு அனுபவமிக்க சிப்பாயை சேனாதிபதி பரிந்துரைத்தார்! சிப்பாயோ ...