Wednesday, 18 May 2022

கலக்கம்


பொதுவெளியில் 
வெட்கமின்றி
அன்பின்பிரகடனம்
அசிங்கமாய் இருந்தது.
சரியா தவறா
குழப்பமாய் இருந்தது
யார்யார் என்னென்ன
நினைத்திருப்பர்
அசடு அறிவிலி
அலைபவள் வழிபவள் 

வழிகாட்டும் திசைகருவி
திசை மாறிப்போனேன்
உயர்பதவி நல்வாழ்வு
அத்தனையும் மறந்தேன்
காதலா கவர்ச்சியா
உன் அறிவா அழகா
எது உன்னிடம் இழுக்கிறது
உன்சரியும் என்சரியும்
ஒத்துப்போவதாலா
அலைவரிசை ஒருகோட்டில்
பயணிப்பதாலா
விருப்பும் வெறுப்பும்
ஒன்றானதாலா
நீ தவிர்ப்பதும்
தள்ளி இருப்பதும் 
இருவரின் நன்மைக்கா
இல்லை நீ உயரத்தில்
இருப்பதாக எண்ணிக்
கொள்வதாலா
எதுவோ இருக்கட்டும்
நீ நலமாக வாழு!
                     - யாரோ 

No comments:

Post a Comment

மாணிக் பாட்ஷா

மூக்கின் அழகுக்கு முன்னூறு கவிதை படைக்கலாம் கவிதை சமைப்பதைத் தாண்டி மூக்கின் சரிவில் சறுக்கி விழுந்தால் என்னாவது சுயமரியாதைக்கு பங்...