கேள்வி

ஆணதிகாரம்

படிக்கட்டு ஓரத்தில்

ஸ்கூட்டி யார் வைத்தது

படிக்கட்டு சன்னலில்

தண்ணீர் கேன்

யார் வைத்தது

பேராசிரியர் வேலை விடுத்து

படிக்கட்டு காவலாளியாக

பணி செய்யட்டுமா?

யார் வருகிறார்

யார் போகிறார்

கண்காணிக்க

எளிதாக இருக்கும்!

சிவாஜி

இந்தியாவின் 

இறையாண்மையை

காக்க முடியாத நான்

இந்தியப் பெண்களை

காக்க முடியாத நான்

 

வாளிருந்தும்

வீரமிருந்தும்

வாய்மூடி கண்மூடி

வாழும் நிலை

வந்ததே எனக்கு

சிலையாய்

வாழ்வதும்

ஒரு வாழ்வா

அதற்குபதில் 

இறந்தால் என்ன

என நினைத்து

உச்சியில் இருந்து குதித்து 

உயிர்விட்டாரோ சிவாஜி?

மழை

காய்ந்து கிடந்த என் 

மன நிலத்தில் மழையாய் 

பொழிந்து ஈரமேற்றிய வெண்மேகமே...

இருள்கவ்விய என் 

இரவுக்குள் இன்ப வலியாய் நுழைந்து ஒளியேற்றிய பெண்ணிலவே...

சீரின்றி சிதறித்திரிந்த 

என் சிந்தைக்குள் 

அரவம் இன்றி சரணம் 

இயற்றிய இருங்காட்டுக்குயிலே...

மாலை நேர மித வெயிலில்

குளிர் காயும் கூவிரமலரே ...

மறைந்திருந்து உனை பார்க்கும் 

என் மனமதனை அறிவாயா... ❣️

என்னருகே நீ இருந்தால்...

நெடுந்தூர நடையும் 

சுடும் வெயிலும் கூட

சுகமாகுது..

என்னருகே நீ இருந்தால்... 🌹

மனதை வதைக்கும் 

சோகங்களும் மதியை 

மறைக்கும் சிந்தைகளும்

சீராகுது..

என்னருகே நீ இருந்தால்... 🌹

என்னத்தின் சிதறல்களும் 

ஏக்கங்களின் பிளிரல்களும்

இதம் காணுது..

என்னருகே நீ இருந்தால்... 🌹

விடியாதிருந்த இரவுகளும் 

விடை தேடிய இருள்களும்

வெளிச்சம் பெருகுது..

என்னருகே நீ இருந்தால்... 🌹

நீ இல்லா நேரமும் கூட 

உன் நினைவுகளால் 

இனிமையாகுது..

நெஞ்சமும் உனை

நினைத்து இசைத்து பாடுது... 🌹

சந்தக் கவிதை

நான் 

சலிக்காமல் 

வாசிக்கும் 

சந்தக் 

கவிதையடி.. நீ 

விழிக்குள் 

ஓவியமாய் 

விந்தைக் 

கவிதை யடி!!

மொழிக்குள் 

மோனையாய் 

செழிக்கும் 

கவிதையடி.. அழகே நீ...