சாடல் மழை

பாடுபொருள் யாரென

பதரே உனை  கேட்பேனோ

தாமரை நேசனே

மல்லி வாசம் அறிவாயோ

சேற்றில் மலர்பவருக்கு

செருக்கு எதற்கு

அதைசெய் இதைசெய்

அதை தவிர் இதை தவிர்

திணிப்பவருக்கு தெரியுமோ

திண்பவனின் உணர்வு

நான் என்ன செய்யவேண்டும்

ஆணையிட நீ அண்ணணா

மூடனே மூளை வளர் 

சமூகநீதி கொண்டாடும்

சமகால திராவிடரே

சமநீதி அறிவாயோ

கருத்து மாற்றுக்கருத்து

எல்லோருக்கும் இடமுண்டு

என் தோட்ட மலர் மணம் பேச

உன் செவியில் புகை ஏன்

கண்ணியம் யாதென

கனிமொழியாரை கேள்

நா கட்டுப்பாடு யாதென

முதல்வரை கேள்

எதையும் தாங்கும் இதயம்

யாதென அறிய

அறிவாலய நூலகத்தில்

அப்பப்போ நுழைந்து பார்

திராவிட பாசறை

பயிலரங்கம் சென்று பார்

எதுவுமே படிக்காமல்

எப்படி நீ திராவிடன்?

காவலன்

செவ்வக கண்ணாடி

தள்ளிவிட்டு பேச

உள்ளம் நழுவி விழும் 

ஊடுறுவும் கண்கள்

ஊண் தாண்டி பாயும்

குழந்தையின் உடல்மொழி

குலுங்கும் குறும்பு சிரிப்பு

உண்மை அலசும் அறிவு

பேரழகன்டா நீ

பெண்மீது மரியாதை

ஆண்மீது அடாவடி 

மீசை முறுக்கி பேசும்போது

மனசு திருகி கிறங்கும் 

சினிமாக்காரன் தோற்பான்

கொள்ளையிடும் அழகில் 

சமையலறையில் புகுந்து

உப்பு காரம் புளிப்பு

விகிதம் மாற்றினாய்

முக்கிய வேலையை மறந்து

உன் துதி பாட வைத்தாய்

தொலைந்துதான் போயேன்டா

தொந்தரவு குறையட்டும்

காலம் களவாடினான் என

காவல் நிலையம் செல்லவா 

                             தெய்வானை

சாடல்மழை பொழிகிறாய்

சொல்குழலால் சுடுகிறாய்

காவல்பணி தள்ளினாலும்

கண்காணிப்பு தொடர்கிறது

அரசாங்க அறைகளில்

கதவா ஜன்னலா

எதுவாக நுழைகிறாய்

எல்லோரும் யோசனையில்

அச்சமில்லை அச்சமில்லை

கணப்பொழுதும் ஜெபிக்கிறாய்

            

                            - தெய்வானை

கசிவு

நீ ஒன்றும் அப்படி

அழகு இல்லை

ஆனால் அதுஒன்றும்

குறையுமில்லை

பாட்டு ஞாபகம்

உனை பார்க்கும்போது

புவி ஈர்ப்பு விசை

கண் ஈர்ப்பு விசை

எது பலமானது

எனக்குள் பட்டிமன்றம்

நூறு மைல் வேகம்

நொடியில் இழுக்கிறாய்

முத்துப்பல் வரிசைக்கு

எத்தனைபரிசு கேட்பாய்

கருத்தில் நிறைந்து

கழுத்தை நெரிக்கிறாய்

கண்திறந்ததும்

காட்சிப்பிழையாய் நீ

Socha nahi achaa buraa

Fatum ingenium Est
Stand out of our light
Never let me go
In the mood for love
Giftsundoku
அறிமுக வரிசையில்

இன்னும் எத்தனை

ஒளியார் முன் ஒள்ளியர் 
பொருட்பெண்டிர்
பொய்ம்மை முயக்கம்

வள்ளுவரும் வந்து

திநகரில் நின்றார்

எண்ணம் எழுத்து

எதைக்கொண்டு ஈர்க்கிறாய்

உன் தமிழுக்கு

மதுவென்று பேர்

உன் தமிழே

போதும் என் பேறு

எட்டாக் கனியாய் 

இதயத்தை கொய்தாய்

சம நீதி

சென்ட் வாசனை

ரொம்ப பிடிக்கும்

அலமாரியில் இருந்தது 

தடவிக்கொண்டாள்

பயங்கரமாக திட்டு

இதை நீ போட்டுக்கொண்டால்

ஆண் அக்ரஸ்ஸிவ் ஆவான்

காரணம் சொன்னார்

நீங்கள் மட்டும் போடலாமா

பெண் அக்ரஸ்ஸிவ் 

ஆகமாட்டாளா கேட்டாள்

எனக்கு அதிகம் வேர்க்கிறது 

வாடை போக தேவை என்றார்

ஆண் வேர்வைக்காக போட்டால்

பெண் வாசத்திற்காக 

ஏன் போடக்கூடாது? 

மீறி ஒருநாள் போட்டதும்

நடத்தை சரியில்லைடி

கம்ப்ளெயின்ட்  தைத்தது! 

என்றேனும் ஒருநாள் 

அவரே வாங்கி வந்து 

உனக்கு பிடிக்குமே

போட்டுக்கோ சொல்வார்

எதிர்பார்ப்பில் பெண்! 

படிக்கிற பிள்ளைக்கு

மேக்கப் எதற்கு

அப்பா தடுத்தார்

பாடம் சொல்பவளுக்கு

சென்ட் எதற்கு

கணவன் கேட்டார்

இந்த வாசம் பிடிக்கலைமா

அருகில் படுத்த 

மகன் சொன்னான் 

எனக்கு பிடித்த வாசனை 

எப்போது தான் நுகர்வது? 

இன்னொரு பெரியார்

பிறக்கணுமோ? 

கனிமொழி

கனிந்த மொழி தமிழை 

உரசி பார்த்த காயை

ஆத்மநிர்பர் வரலை

தமிழிழே பேசவா என

கனிந்தமொழியால்

வடக்கன் வாயை 

மூடச்செய்த 

இனிய மொழியாள் 

தமிழ் வளர்த்த தந்தை

இனம் காக்கும் தனயன்

பெரியாரின் நீதி

வழிமொழிந்த பாடங்கள்

கசடற கற்று தேர்ந்து

சரியான நேரத்தில்

தெளிவான கணை தொடுத்து

பாராளுமன்றத்தில் 

போராடும் மொழியாள் 

வடக்குக்கு வாரிக்கொடுத்து

தெற்கிற்கு கிள்ளிக்கொடுத்து

வஞ்சம் செய்தல் சரியோ

மையத்தை சாடி

துவைத்து தொங்க விடும்

பொங்கும் மொழியாள் 

விளிம்புநிலை மனிதனே

எப்போதும் குற்றவாளி 

எண்ணுகிற மாயை

ஏன் என கேட்கும்

மூது மூளையுள்ள

கனன்ற மொழியாள் 

தோப்போடு இருந்தாலும்

தனித்துவமிக்க மரமாக

வாழவும் வளரவும்

தாகத்தோடு நீர் தேடும்

ஆணி வேர் தாவரம்!

அக்கா என அழைக்கவா

அம்மா என அழைக்கவா

மேதகு என அழைக்கவா

குழப்பத்தில் பின்தொடர்வோர் 

பெண்ணாய் வெல்க !

விண்ணை தொடுக! 

அழைப்பிதழ்

பால்ராஜ் மகன் கல்யாணம்

சோலங்கி மகள் கல்யாணம்

வெங்கடேஷ் வரவேற்பு

திருமுருகன் பிரிவு உபச்சாரம்

எத்தனையோ விருந்துகள்

அழைப்பிதழ் மேஜையில்

அனந்தா வித் பேமிலி

அழகாய் எழுதியிருக்கும் 

மகளின் கேள்வி

ரெட் சாஸ் பாஸ்தா

ஒய்ட் சாஸ் பாஸ்தா

எதும்மா வச்சிருப்பாங்க

மகனின் கேள்வி

சிக்கன் 65 இருக்குமோ

சாஹி பன்னீர் இருக்குமோ

தெரியலடா என்பேன்

எனக்குள்ளும் கேள்வி

எத்தனை வகை இருக்கும்

தட்டு நிறைய உணவு 

மாலையும் வந்தது

கதவை சாத்திக்கொள்

கல்யாணத்திற்கு போகிறேன்

செய்தி சொல்லி போவார் 

புலம்பெயர்ந்த மனைவியற்கு

உள்ளூர் விருந்தும் இல்லை

அயலூர் விருந்தும் இல்லை

தொண்டையை ஏதோ அடைத்தது

E 2 பிரியாணி

E 2 பிரியாணி

Eat eat சொன்னது

பிரிஞ்சி இலையும்

பிரியாணிமசாலாவும்

பட்டிமன்றத்தில்

எதிரும் புதிருமாய்

சுவைக்கு காரணம் 

நானே சொல்ல

அங்க என்னடா சத்தம்

பாப்பையா சொன்னார்

சமைத்தவரே காரணம்

சத்தமாய் தீர்ப்பு தந்தார்

கைவழியே நுழைந்து

வயிறு மட்டுமா நிறைந்தது

உள்ளமும் அல்லவோ

அன்பிற்கு நன்றி

உறவுக்கும் நன்றி 

- தெய்வானை 

திருமலை மாமா

வார இறுதியில் வந்துசெல்லும்

அக்கா மகளுக்கு

தலைக்கு தேங்காய் எண்ணையும்

துவைக்க நிர்மா சோப்பும்

குளிக்க லைபாய் சோப்பும்

கொரிக்க மிக்சரும் முறுக்கும்

வாங்கித்தந்து பஸ் ஏற்றிவிடுவார்

சம்பூர்ணா தியேட்டரில்

எங்கேயோ கேட்ட குரல்

லட்சுமி தியேட்டரில் 

எங்க ஊரு பாட்டுக்காரன்

இன்னும் பல

ராமராஜன் படங்கள்

சனிக்கிழமை ஸ்பின்னிங் மில் 

என்னையும் அழைத்துசெல்வார்

மதியம் பரோட்டா குருமா

இரவு தோசை வாங்கித்தருவார்

ஞாயிறு காலையில் சுடச்சுட

எலும்புக்குழம்பும் இட்லியும்

இரவு 9 மணிக்கு 

கண்ணம்மா அக்கா வீட்டிற்கு

போகிறேன் என்றால்

காலையில் போ என்ன அவசரம்

என்று சொல்லி அனுமதிக்கமாட்டார்

டாக்டரிடம் அழைத்து சென்று

ஒல்லியாகவே இருக்கிறாள்

உடம்பே தேறவில்லை

என்னன்னு பாருங்க என்பார்

பஸ் ஏற்றிவிட வந்தால்

பத்தடி தள்ளி நிட்பார்

ஏன் மாமா என காரணம் கேட்டால்

உன் கூட படிக்கும் பிள்ளைகள்

பார்த்தால் அசிங்கமாய் நினைப்பார்கள்

என்று சொல்லி தூரமாய் நிட்பார்

தொழுநோயால் பாதிக்கப்பட்டவர்

தோற்றத்தால்  குறைந்தவர்

உள்ளத்தால் உயர்ந்தவர்

அன்பால் நிறைந்தவர்

நேர்மறை எண்ணங்களால்

நிரம்பி வழிந்தவர்

தவறு காணும்போது

வலிக்காமல் சொல்பவர்

இனிய நினைவுகள் 

சொத்தாக சேர்ப்பவர் 

நானும் ஒருநாள்
யாராலும் நினைவுகூரப்படுவேனா?
எத்தனை மனிதரில்
கரைந்திருப்பேன்?

அய்யய்யோ கடவுளே
அக்காவுக்கு தங்கைக்கு
அத்தைக்கு அம்மாவுக்கு
அண்ணிக்கு பெரியம்மாவுக்கு
தோழிக்கு ஆசிரியைக்கு
ஒன்றும் தீங்காய் பெரிதாய்
நடக்கக்கூடாது என 

ஆத்மார்த்தமாய் பிரார்த்திக்கும்
உதடுகளும் உள்ளங்களும்
சம்பாதிப்பேனோ இல்லையோ !

ஒரு ஜீவன் ஆமென்றாலும்
நான் வாழ்வை வென்றவளாவேன்!

10/04/2022/16:29 PM

Steam Turbine

https://www.linkedin.com/posts/mechanical-engineering-world_question-answers-on-steam-turbines-activity-6895059070194204672-vyQG

steam turbine

வேலைக்கு போகும் பெண்ணின் மனநிலை

காலையில் என்னடா வாழ்க்கை என்று தோன்றியது. வேலைக்கு போகவேண்டாம் வீட்டில் இருந்து குடும்பத்தை கவனி என்று சொல்லும் ஆண் தெய்வமாக தெரிந்தான். வேலைக்கு செல்லும் பெண்ணுக்கு எத்தனை சவால்கள்?. சீ என்ன பிழைப்பு பிழைக்கிறோம் என்று ஆத்திரமும் அழுகையும் வந்தது. கண்ணீர் வழிந்து சாப்பாட்டு தட்டில் விழுந்தது. வீட்டில் இருக்கும் பெண்ணுக்கு, சம்பள உயர்வுக்கு STC பண்ண வேண்டாம், APAR ல் 100 மார்க் வரவில்லை என்று DD யிடம் கெஞ்ச வேண்டாம். M.Tech பண்ண வேண்டாம், phd பண்ண வேண்டாம், paper publications ஆகவில்லை என்று கவலை பட வேண்டாம். சரியான நேரத்தில் முக்கியமான தகவல் சொல்லாமல் கழுத்தறுக்கும் colleague நினைத்து வருத்தப்பட வேண்டாம். அதிகமாக வேலை வாங்கிவிட்டு ACR ல் கையெழுத்து போடும்போது இழுத்தடிக்கும் பிரின்சிபால் மீது கொலைவெறி கொள்ள வேண்டாம். மகன் பரிட்ச்சைக்கு படித்தானோ இல்லை வீடியோ கேம்ஸ் விளையாடிகொண்டு இருப்பானோ, மகள் எழுந்து சாப்பிட்டாளோ இன்னும் தூங்கிக்கொண்டு இருப்பாளோ ஆபீசில் இருந்துகொண்டு கவலை படவேண்டாம். எத்தனை எத்தனை வேண்டாம்கள். கொடுத்து வைத்த பெண்கள் வீட்டில் இருக்கும் பெண்கள் . சாயந்திரம் 3pm மணிக்கும் 6 pm மணிக்கும் காலை சாப்பாடு சாப்பிடும் அவசியம் இருக்காது. ஆறிபோன டீ குடிக்கும் அவசியம் இருக்காது. காய்ந்து போன சப்பாத்தியும், நசத்து போன தோசை யும் நின்றுகொண்டே திணித்து கொண்டு ஓடும் நிலை இருக்காது. வீட்டை மட்டும் பார்த்து கொள், சொல்லும் ஆணுக்கு சிலை வைத்து கும்பிடலாம் என்று தோன்றுகிறது. நமது முன்னோர்கள் நன்றாக யோசித்தே பெண்ணை வீட்டில் வைத்து போற்றி பாதுகாத்தார்கள். குழந்தைகளை ஆரோக்கியமாக வளர்த்து வீட்டை அமைதியாகவும், அழகாகவும் பார்த்துக்கொண்டால் போதும் என்று நினைத்தார்கள். எவ்வளவு சம்பாதித்தாலும் திருப்தியும் நிம்மதியும் கிடைக்காது என்று உணர்ந்து கிடைத்த சொற்ப சம்பளத்தில் சந்தோசமாக வாழ கற்றிருந்தார்கள். பாட்டனும் முப்பாட்டனும் புத்திசாலிகள். நம் அப்பாக்கள் அதிகமாய் யோசிக்கவில்லை. பெண் படித்தால் போதும், சம்பாதித்தால் போதும் சந்தோசமாய் இருப்பாள் என்று நினைத்துவிட்டார்கள்.