A Teacher's Journey

Tuesday, 16 November 2021

ஆலமரம்

பலமொழியில் பாடி

மனமயக்கும் 'பாரு'

பீரே குடிக்காமல்

போதையேற்றும் குயிலு

வேராய் இருந்தாலும்

வெளிய வந்து சிலநேரம்

விழுதோடு விளையாடி

நகையாடும் கிளி

நடப்பதையெல்லாம்

மௌனமாய் ரசித்து

அடக்கிவாசிக்கும்

அக்கரை காகங்கள்

காடையை காணோம்

கவுதாரியை காணோம்

மயில் எங்கே கிளி எங்கே

கணக்கெடுக்கும் கொக்கு

வேலை பளு அதிகமாக

வீட்டுகாரர் காரமாக

ஆசுவாசப் படுத்த

பாய்ந்து வரும் மைனா

உமையாள் மகா ஈஸ்வரி

திரிந்து உமாமகேஸ்வரி

ஆனதை போல

மோகமும் மோகனமும்

திரிந்து சீர்கெட்டு

தவிக்கும் செங்குருவி

கண்டம் தாண்டி

பறந்து வரும்

அமெரிக்கா குருவி

ஆலம்பழம் சாப்பிட்டு

ஆட்டு பிரியாணி பங்கிட்டு

திரும்பி போகும் குருவி

இளைப்பார நினைக்கும்

பலவித பறவைகள்

பறந்துவந்து

பார்ட்டி தந்து

பாடி ஆடி பறக்கும்

பிறந்த நாளோ

கூட்டை விட்டு

பறந்தநாளோ

அத்தனைக்கும்

வாழ்த்துப் பா

தவறாமல் வந்து பாடும்

சிலநேரம் கப்சிப்

இலையுதிர் காலம்

பலநேரம் வளவள

வசந்தகாலம்

டிஜிட்டல் ஆலமரம்

'டி' ப்ளாக் என்று பெயர்

Deivanai

https://dseu.ac.in/faculties/s-deivanai/ Ph. D. (pursuing) – Friction Stir Welding, Indira Gandhi Delhi Technical University for Women, New Delhi; M. Tech. – Production Engineering, Delhi Technological University, New Delhi; B.E – Mechanical Engineering, Institute of Road and Transport Technology, Erode; Courses teaching : Manufacturing Technology; Material Science; Engineering Graphics; Machine Drawing; Metrology and Instrumentation; CNC machines; Basics of Automobile Engineering;

மரணத்தை வென்றார் உண்டோ

இருநூறு வருடங்கள்

வாழ்ந்தவர் உண்டோ

உடைந்து நிற்கும்

அரண்மணைகள் சாட்சி

உலகையே ஆண்ட

அலெக்சாண்டர் சாட்சி

உத்திரமேரூர்

கல்வெட்டு சாட்சி

உள்ளூரில் வாழ்ந்து கெட்ட

ஜெயா அம்மா சாட்சி

வந்தவரெல்லாம் தங்கினால்

வருவோருக்கு இடமேது

போவோரெல்லாம்

மீண்டும் வருவர்

உருமாறி உறவுமாறி

மகனாய் மகளாய்

பேரனாய் பேத்தியாய்!!

இருப்பு இறப்பு

இரண்டும் நிலையில்லை

சாவும் சோகம்

சாகா வரமும் சோகம்

இயற்கையிடம் தோற்றுவிடு

இயன்றவரை வாழ்ந்துவிடு

மனதை மடைமாற்று

மயக்கம் தெளிந்துவிடும்

Deivanai

link mechanism

https://www.linkedin.com/posts/ugcPost-6865608720018153472-7TQJ

link mechanism

Deivanai

Monday, 15 November 2021

அப்பா

மூவர் உயிர் வளர்த்து
மூவாயிரம் மூளை வளர்த்து
மகனாய் மாண்பு வளர்த்து
தகப்பனாய் ஆயுள் நிறைத்து
முதுமையில் தவித்து நின்றார்!

ஊருக்குள்ள பிரச்சினையோ
உறவுக்குள்ள மனவருத்தமோ
ஓடி வந்து தீர்த்து வைப்பார்
காண முடியுமோ இனி
உம்மைப்போல் ஒருவர்?
பேசி முடியுமோ உம் பெருமை?

ஊரெல்லாம் சுற்றி வந்த
சைக்கிளும் டீவிஎஸ் ம்
உம் அருமை மறந்திடுமா
வாழ்வெல்லாம் பயணித்த
உம்முடனே மறைந்திடுமா

ஆசையாய் வளர்த்த மகன்
செட்டிநாட்டில் கொடிகட்ட
கடைசியாய் வந்த மகன்
கால்மேட்டில் காத்து நின்றார்

பூரணமும் கரையுமே
பரிமளமும் வாடுமே
சாந்தி வந்து சேருமோ
மீந்திருப்போர் வாழ்விலே

நிதானமும் நிம்மதியும்
சொத்து போல
சேர்த்து வைத்தார்
சொந்தங்களை கூட
சொத்தாகவே பார்த்தார்
சம்பிரதாய சந்தேகங்களும்
உறவு முறையின் குழப்பமும்
யாரிடம் கேட்பேனோ?
கருத்தில் நீங்குமோ
கற்று தந்த அத்தனையும்!
அமரவைத்து புத்திமதி
இன்முகத்துடன் சொன்னார்!
ஒத்தை லட்சம் கேட்டால்
பத்தாய் தந்துவிட்டு
இன்னும் வேண்டுமா,
உம்மையன்றி யார் கேட்பார்?
பரிசும் பணமுடிப்பும்
பண்டிகையில் யார் தருவார்?
போனில் பேசும் முதல் சொல்லில்
சளியா ம்மா யார் அறிவார்?
எப்ப வர்ரே எப்ப வர்ரே
நூறுமுறை யார் கேட்பார்?

காண முடியாமலும்
பேண முடியாமலும்
கண்ணில் நீர் தந்து
விண்ணைத் தொட சென்றீரே
விம்முவது கேட்பீர்

இப்படிக்கு

ஈற்றும்
பேற்றும்