A Teacher's Journey
Showing posts with label
அன்பு
.
Show all posts
Showing posts with label
அன்பு
.
Show all posts
Saturday 11 May 2024
சாரி
சாரி சொன்னேன்
பதிலில்லை
புரிந்துகொண்டேன்
கோபம் என!
சுகந்தம்
அழைப்பும்
பார்வையும்
மின்சாரம்!
எனக்காக
வந்ததுபோல்
உள்ளுணர்வு
உண்மையா என
உன்னிடம்
நெருங்கும்போது
கேட்கிறேன்.
ஆம் என்று
சொல்லிவிடு
அதற்காக ஆசைப்படுகிறேன்
தயாராகி வந்தேன்
உன்னில் கலந்துவிட
தயக்கம் வந்து
தலைதூக்க
தள்ளி அமர்ந்து
திரும்பிவந்தேன்
எண்ணங்களை
திருடி ஆராயவேண்டும்
என்ன நினைத்தாய் என
ஏற்பாயா
தவிர்ப்பாயா
எப்போது வருவாய்
எதிர்பார்ப்போடு
காத்திருக்கிறேன்
Saturday 30 March 2024
துணை
துணை எது ?
வெற்றி விலகினாலும்,
உறவு உதறினாலும்,
துன்பம் துரத்தினாலும்,
வறுமை வாட்டினாலும்,
உற்ற நிழலாய் வருவது, துணிவே !
துணிவே "துணை" ஆனால்,
துயர் ஏது ?
துவழும்போதெல்லாம்
ஊக்கம்கொடுப்பாள்,
தடுமாறும்போது,
ஊன்றுகோலாவாள்,
இடரும்போது,
தாங்கிப்பிடிப்பாள்,
துணை அவள் துணிவே !
வாழ்க்கை அலையில்,
வெற்றிக்கரை அழைத்துசெல்வாயா ?
வெற்றித்திருமகள் துணையே !
Wednesday 28 February 2024
ஊடல்
பேரன்பு மழைக்கு ஏங்கும் மலரவள்
பெருவெற்றி பெருவெள்ளத்திற்கு தகிக்கும் தடாகம் நான்
சூழியல் இடர்க்கீடே கரையும் காலம்,
சில குரல் ஒலிகளும்
ஊடூடே கேளிக்கை சித்திரஓவிங்களாய்
சில நேரம் மட்டும் அன்பு பரிவர்த்தனைகள் நடந்தேற
ஊடல்கள் சபையேறும் நேரம் இது
துயிலடையா கனவுகள் கரைசேர்க்கும் வரை
காதலிக்க நேரமில்லை
அறிவதுமில்லை,
தெரிவதுமில்லை,
புரிவதுமில்லை !
சில பயண துயரங்கள் !
முகப்பு முல்லைகளின்,
வாசங்கள் தெரிவதில்லை,
முற்றத்து கீத ஒலிகேட்பதில்லை,
சாளரத்து தென்றல் உணர்வதில்லை !
விடிவதும், பொழுது சாய்வதும்,
விழிப்பதும், துயில்வதுமாக,
வாழ்க்கை பயணங்கள் !
கண்மூடினால் இலக்குகள்,
கண்விழித்தால் கடமைகள்,
இடையே பயணங்கள்,
இதில் எனக்கும்,
எனக்கானவருக்கும் ,
நேரம் கிடைக்குமா ?
உறவை போல்,
நானும் ஏங்கி நிற்கிறேன்❤️❤️ !
Wednesday 10 January 2024
ஹைக்கு - 2
(1)
சிதறக்
காத்திருக்கும்
உடைந்தக்
கண்ணாடி
துண்டுகளா
நாம்?
(2)
படித்தால்
சுதந்திரம்
கிடைக்கும்
என நம்பாதே!
நீ அடிமை தான்
அப்பாவுக்கு
அண்ணனுக்கு
கணவனுக்கு
குழந்தைகளுக்கு
விலங்குகள்
திறக்கப்படுவதில்லை
சொந்தம்
பந்தம்
கைகளில்
உன் விலங்கின்
சாவி!.
Monday 8 January 2024
கோபம்
கோபங்கள் ஏனோ ?
உரிமையினாலா ?
ஊடலினாலா ?
எண்ணங்கள் சொல்லி,
விடைகளை தேடி,
ஊடலை களைவாயா ?
உரிமைகள் தொடர்வாயா ?
பருவம் தப்பிய பயிர்,
கனலில் கருகலாமா ?
கருணைமழை பொழியலாமே !❤️❤️
Sunday 31 December 2023
புத்தாண்டு பரிசு 2024
புத்தாண்டு புதுப்பரிசு,
மலரா ? மரகதமா ?
மனையா ? மாளிகையா ?
இது எதுவும்,
மங்கை நீ யாகுமோ ?
நீயே பரிசானபோது,
விண் தாண்டி நிற்கிறேன் !
மூவுலகும் வெல்கிறேன் !
Friday 22 December 2023
இணைந்த கைகள்
(1)
தலைகோதி,
தோள்கொடுத்து,
துயர்க்கேட்கும் காதுகள்,
இறுக்கப்பற்றும் கரங்கள்,
ஆசுவாசப்படுத்தும் பேச்சுக்கள்,
மீளாத்துயரில் இருந்தும் மீட்கும்,
இமாலய வெற்றிகள் ஈட்டும்.
❤️❤️
(2)
பட்டமரம் துளிர்க்கும்,
பாலைவனம் நீர் சுரக்கும்,
வெண்மேகம் பொழியும்,
நம்பிக்கை மட்டுமிருந்தால் !
❤️❤️
Wednesday 20 December 2023
ஹைக்கூ...
(1)
மிஸ் யூ சொல்லாமல்
புரியவைத்தான்
மிஸ்டு கால்ஸ் மூலம்!
(2)
மோதியும் அவனும்
ஒரே இனம்
அவனுக்கு பிடிக்காத
எனக்குள் உறங்கும்
மற்ற நினைவுகளை
அப்பட்டமாக வெளியேற்றுவான்
எதிர்க்கட்சி எம்பிக்களைப்போல!
(3)
பேசிப்பேசி
கொள்ளையடிப்பர்
ஒருவர் நாட்டை
மற்றவர் மனதை!
(4)
மாமா னு சொல்லலை
என்பதில் துவங்கும்
அவனது ஏக்கங்கள்!
(5)
காத்திருக்க வைப்பதில்
அவனும் நானும் ஒரே இனம்!
Saturday 16 December 2023
தூரம்
வெந்நீர்
சூப்பு
ரசம்
கிச்சடி
மருந்து
எதுவும்
தரமுடியாது
அருகில்
அமர்ந்து
தலைகோத
முடியாது
மூலையில்
படுக்கையில்
ஒற்றையில்
எங்கோ நீ
கிடக்கையில்
உறவென
நானிருந்து
என்ன பயன்?
காற்றென
ஒலியென
ஒளியென
பாய்ந்துவர
வழியின்றி
வெற்று
வார்த்தைகளால்
வருடுவதால்
உன் வலி குறையுமோ?
இல்லை
என் வலிதான்
குறையுமோ?
சுமைதாங்கி
அவன் சுமைகளை
இறக்கிவைக்கும்
சுமைதாங்கி நான்
தனது கனவுகளை
என் செவி வழி நுழைத்து
சிந்தையை நிரப்பி
முழுநேரம் எனை
ஆட்கொள்வான்
அப்படி செய்யலாமா
இப்படிசெய்யலாமா
அதை செய்யலாமா
இதை செய்யலாமா
இப்படியே குழம்பியிருப்பேன் நான்
இடையிடையே
முத்தமிட்டு சிரித்து
கொஞ்சி கெஞ்சி
சரிபண்ணி விடுவான்
Friday 15 December 2023
நினைவுகள்
கடமையில் மூழ்கி
வெற்றி முத்தெடுக்கவா ?
பணிகளின் ஊடே,
புதையல் தேடவா ?
காலத்தையிட்டு,
கனவுகளை உயிர்ப்பிக்க,
உழைப்பு மூலதனமே,
கைவசம் இருக்க !
நினைவுகளோடு ஓர் பயணம்,
நினைவு மட்டும் ஊடூடே வந்துபோக !
விரைந்து வெற்றித்தொடுவோம்,
விண்ணில்லா வான்காண !
தீர்த்த நதி
உள்ள துயரங்கள்,
காலத்தால் மறையலாம்,
சில கரங்களால் அழியலாம்,
சில வெற்றிகளால் வெல்லலாம்,
ஆனால், உறவு துயரத்திற்காக,
சிந்திய சில துளி கண்ணீர்,
பேரணையாய் தேக்கிவைப்பேன்,
என் தீர்த்த நதியாய் போற்றிவைப்பேன்!
காலத்திற்காய் வேண்டிநிற்பேன் !
சுமைதாங்கி
"உன்னோடு நிற்கிறேன்",
உயிர் கொடுக்கும் சொற்கள் !
உழைப்பிற்கு உயிர்கொடுக்கும்,
கனவுகளுக்கு உயிர்கொடுக்கும்,
நம்பிக்கைக்கு உயிர்கொடுக்கும்,
வெற்றிகளை எளிதாக்கும்,
தொட்டுதொடரும் பயணம்,
வாழ்நாள் எல்லாம் தொடரட்டும் !
Monday 11 December 2023
ராகுல்
வண்ணங்கள்
பல எண்ணங்கள்!
தூய வெண்மை,
சமத்துவ நீலம்,
சிந்தனை சிகப்பு,
அனைத்தும் கலந்தால் என்ன ?
புன்னகை மலர் மலர்ந்தால் என்ன ?
இளவரசன் இருந்தால் என்ன ?
அவன் எங்களின் அரசனாகட்டுமே !
❤️❤️❤️❤️
மனிதம்
பேரிடர் காலம்,
ஓடும் மனிதன்,
நின்று மனிதம்,
போற்றும் காலம் !
மசூதியோ,
தேவாலயமோ,
கோவிலோ,
அடைக்கலம் தேடையில்,
மதம் மறப்பான் !
மொழி,
இனம்,
சாதி,
வர்ணம்,
வர்கம் மறப்பான் !
சமத்துவம்,
சகோதரத்துவம்,
நிலைநிறுத்தும்,
பேரிடர் காலம்,
அவ்வப்போது வந்து,
மனிதத்தைக் காக்கட்டுமே ! !
காதலின் வலிமை
காதல் என்ன செய்யும்,
கண்டங்கள் தாண்ட செய்யும்,
கவர்ந்தவரை கரம் பற்ற செய்யும்,
கலாச்சாரம் மாறச்சொல்லும்,
கடமைகள் ஏற்கச்செய்யும்,
காதலித்தவர் சென்றபின்னும்,
செய்யாத சத்தியத்திற்கு,
வாழச்சொல்லும் !❤️❤️
எங்களால் ராஜீவை திருப்பி தரயியலாது,
நிரந்திரமாய் எம் மண்ணில் கலக்க,
இடம் மட்டும் தருகிறோம் !
இந்தியாவின் திருமகளாய்,
இந்தியா இருக்கும் மட்டும் கொண்டாடி களிப்போம் !
பாதை
பாதையில் மலர் கண்டேன் !
பாதையே மலர் ஆகுமோ ?
பாவையே துணையாகுமோ ?
பூசைக்கான மலரை,
புழுதியில் வீசுவாரோ ?
வைரங்களை குப்பையில்,
கழிந்து கிடத்துவாரோ ?
எங்கு கிடைப்பினும்,
தங்கம் தங்கம்தானே !
பாதை மலர்,
பரியேறட்டுமே !❤️❤️
தனிமை
வெற்று தனிமையும்,
பேசாதருணங்களும்,
பொருள் பொதிந்த
மௌனங்களும்,
சில மருந்துகள் !
நடந்ததை அசைபோட்டும்,
நடப்பதை எடைபோட்டும்,
நடக்கப்போவதை எதிர்பார்த்தும்,
காத்திருக்கும் தனிமை தருணங்கள் !
சிலேடை மொழியும்,
நமக்கே புரியும் எழுத்துமாக,
காலம் கடக்கட்டும்,
சூழ்நிலை கனியட்டும்,
காதல் மொழி
கைகோர்த்து பேசுவோம் !
Older Posts
Home
Subscribe to:
Posts (Atom)
சாரி
சாரி சொன்னேன் பதிலில்லை புரிந்துகொண்டேன் கோபம் என!
BEG - Week 1 Session 2 Lines and Material conventions
Lines and Material conventions 1. Demonstration of various lines and material conventions 2. Sheet no 1. Draw the conventions of lines and...
Basic Enginnering Graphics
What is Engineering Drawing? In engineering drawing, engineering-related objects like buildings, walls, electrical fittings, pipes, machin...
BEG - Orthographic projection exercises
Orthographic Projection exercises Draw front view, top view ,side view of the following exercises Problem 1 Problem 2 ...
BEG Week 2 Session1 Dimensioning Exercises
Technical lettering
Technical Lettering Syllabus: 1. Introduction to lettering and its necessity. Demonstrate the construction details of Engli...