குறள் 1199

கோபம்

என்றால்

கொட்டிவிடு

சனியனே

சொல்லும்

தித்திக்கும்

மௌனம்

மட்டும்

காக்காதே

வருத்தம்

என்றால்

சொல்லிவிடு

முகத்தை

மட்டும்

திருப்பாதே

எதிரெதிரே

சந்திக்கையில்

நலமா என்று

கேட்கவேண்டாம்

ஏறெடுத்தாகிலும்

பார்த்துவிடு

அப்பாவா

காதலா

குழப்பத்தில்

அப்பாவை

தேர்ந்தது

தவறுதான்!

குறள் : 1198

பிரியும்போது

தந்த முத்தத்தின்

ஈரம் காயாமல்

தினந்தோறும்

கண்ணீரால்

நனைத்து

காத்துவருகிறேன்

தெருமுனைவரை

திரும்பி திரும்பி

பார்த்து சென்றதும்

முனையில்நின்று

கையசைத்து

சென்றதும்

கண்ணைவிட்டு

அகலாமல்

காட்சியாக நிற்கிறது

'இன்று வருகிறேன்'

என்ற இனிப்பான

செய்தி கேளாமல்

கற்சிலையாய் நான்!

Comments : 

குறள் : 1196

இன்றைய 

நீதிதேவதையின்

தராசு அதிகமாக

வலப்பக்கம்

சாய்ந்ததால்

பணத்திற்காக

பதவிக்காக

சாய்க்கப்பட்டதால்

பாரதமாதா

களையிழந்து

வாடுகிறாள்

எந்தபக்கமும்

சாயாத 

நீதி தராசு

எல்லாரும்

விரும்புவதுபோல்

சமநிலை தவறாத

இருவரும்

நேசிக்கும்

காதலே

தலைசிறந்த

காதலாகும்

ஒருதலைக்காதல்

உவகை தராது!

குறள் : 1197

சூரியன் 

பூமியின்மீது

பாதி ஒளியை

வீசி பகலாக்கி

மீதி பூமியை

இரவாக்கி

இருளை

படரவைத்து

இன்னலில்

ஆழ்த்துகிறது.

அதுபோல

நிலாமகள்

மீதும் கதிரை 

வீசாமல்

அமாவாசை

ஆக்கி இருள்

படரவைத்து

இன்னலில்

ஆழ்த்துகிறது.

சூரியனும்

காமனும்

ஒன்றா?

பூமி

நிலா

பெண்

இருட்டால்

பசலையால்

வதைக்கப்படுன்றனர்!

குறள் 1195

என் பொழுதின்

பாதிகளை

உன்னோடு

கழிக்கிறேன்

நிமிடங்கள்

கூட கழிவதில்லை

நீயின்றி

உன் நினைவின்றி

வேலைகளை

தள்ளிவைத்து

உன்னை

கைகளில் ஏந்தி

சீராட்டுகிறேன்

ஆனால் பதிலுக்கு

நீ தருவது

என்னவோ

தலைவலியும்

தூக்கமின்மையும்

என்மீது உனக்கு

அன்பே இல்லையா

அக்கறையே இல்லையா

இதயமில்லாத போனே!

Comments : 

குறள் 1194

நாள்முழுதும்

வாராத

குறுஞ்செய்தி

சொல்லும்

நான் உனக்கு

முக்கியமில்லை

என்பதை!

தாமதமாய்

வரும் பதிலில்

தெரியும்

என் கேள்விகள்

உனக்கு

பிடிக்கவில்லை

என்று!

என்சொல்லையும்

செயலையும்

பாராட்ட ஆயிரம்

மனிதர்கள்

இருந்தாலும்

ஆன்றோரே

புகழ்ந்தாலும்

நீ சொல்லும்

ஒற்றை வார்த்தை தானே

எனது பொக்கிஷம்!

உன் குரல்தான்

எனக்கு சுப்ரபாதம்

என்றாலும்

Pixel by Pixcel

உனை பிரித்து 

ரசித்தாலும்

உலகம் நீயென

உன்னையே

சுற்றினாலும்

நான் உன்

இதயத்தில்

ராணியில்லை

என்றால்

என்னைவிட

துரதிஷ்டசாலி

யாரும்

இருக்கமுடியாது!

உலகமே 

சொன்னது

நான்

அதிஷ்டசாலி

என்று!

ஆனால் 

உன் இதயம்

நுழையமுடியாத

துரதிஷ்டசாலி

என்பதை

நீயும் நானும்

அன்றி

வேறொருவர்

அறியார்!

குறள் : 1193

இலையுதிர்காலத்தில்

இலையிழந்து

களையிழந்து

பிரிவால் வாடும்

மரங்களே

ஆணிவேர்

இருப்பதை

மறந்தீரோ

அடுத்த பருவத்தில்

துளிர்விட்டு

செழிக்கவைக்க

நானிருப்பதை

வேர் இருப்பதை

வேர் என

காதல் இருப்பதை

மறந்தீரோ

காதலினால்

மீண்டும்

சேர்வோம்

பிரிவு தற்காலிகமான

பருவநிலை தானே

காத்திருந்து

காதலிப்போம்!

வெயில்காலத்தில்

வறண்டுபோன

குளத்தைகண்டு

கலங்கமாட்டேன்

அடுத்து வருகிறதே

மழைக்காலம்

நிரம்பிவழியும்

நீரில் நான்

இன்பமாக 

மிதந்திருப்பேன்

வெயிலும் மழையும்

இயற்கையெனில்

பிரிவும் சேர்வும்

இயற்கைதானே

பிரிவுக்காக நான்

வருந்தபோவதில்லை

வரப்போகும்

இன்பமழைக்காக

காதலோடு

காத்திருப்பேன்!

அரியணையில்

அமரமுடியாமல்

அடுத்தடுத்து

தோற்றாலும்

மக்கள் மீது

கொண்ட நம்பிக்கை

அடுத்த தேர்தலில்

வெல்லவைக்கும்

காதலர் பிரிவும்

அப்படித்தான்

அவர்மீது வைத்த

நம்பிக்கை

அடுத்த வருடத்தில்

இணைந்திட 

வழிவகுக்கும்.

தேர்தலில் தோல்வியும்

காதலரின் பிரிவும்

நிரந்தரமானதல்ல!

Comments : 

குறள் 1192

அரிசியும் கோழியும்

சந்திப்பதால்

கிடைக்கும்

சுவையான 

பிரியாணி போல

தேயிலையும்

ஏலக்காயும்

சந்திப்பதால்

கிடைக்கும்

சுவையான 

தேநீர் போல

கடலைமாவும்

சர்க்கரையும்

சந்திப்பதால்

கிடைக்கும்

மைசூர்பாக் போல

அவனும் அவளும்

சந்தித்து இன்புறுதல்

வானம் பார்த்த

பூமிக்கு கிடைத்த

மழையாக இருக்கிறது

குறள் 1191

பண்டிகைக்கு
வாங்கி தந்த
பட்டு அல்ல
அவர் அன்பு
அதை கட்டும்போது
சொல்லும் வார்த்தை
ஜொலிக்கிறடி
என்பதில் மின்னும்
அவர் அன்பு

வாங்கி தந்த
நகையணிந்து
கோவிலுக்கு
போகையில்
அம்மனோடு
போட்டியாடி என
நகைக்கும்போது
மிளிரும் அவர் அன்பு


சளிபிடித்து
படுக்கையில்
ஆவிபிடி என்று
சொல்லி
காலருகில்
வைக்கும்
கொதிநீரில்
தெரியும்
அவர் அன்பு

நேசம் சமமாக
கொடுத்தும்
வாங்கும்
அன்பர் உண்டெனில்
விதையற்ற கனியாக
இனிக்கும்
அந்த உறவு....

குறள் : 1190

என்னை

ஏமாற்றி

சாக்லெட்

பிடிங்கிதின்ற

அவனை

ஏமாற்றுக்காரன்

என ஊர்

பழிக்காது எனில்

நான் ஏமாளி

பட்டத்தை

சிரிப்போடு

ஏற்கிறேன்!

ஆசைகாட்டி

ஓட்டுவாங்கி

பதவியில்

அமர்ந்தபின்

ஏமாற்றி 

பிழைப்பவரை

ஏமாற்றுக்காரன்

என மக்கள்

சொல்லார் எனில் 

நான் இளிச்சவாய்

குடிமகள் என

பேர்வாங்க

தயங்கமாட்டேன்!

குறள் : 1189

பிரிவையே 

பொறுத்த எனக்கு

பசலை ஒன்றும்

பெரிதல்ல!

உயிரின்றி

உடல் வாழாதாம்

யார் சொன்னது

இதோ நான்

வாழ்கிறேனே!

தூரம் இருப்பதால்

நிலவு சலித்திடுமா

சூரியன் கசந்திடுமா

நலமாக நீ இருக்க

டேட்டாவாகி

வருவேன்

வீடியோவாகி

வருவேன்

பசலை தான்

பரிசெனில் 

தயக்கமின்றி

ஏற்பேன்!

Comments received :

குறள் : 1187

வள்ளுவரே

என் காதலர்

புவியீர்ப்பு

விசையாய்

இழுப்பவர்தான்

ஆனால்

அவரிலே

மயங்கி கிடந்து

பசலை கண்டு

பயந்து

அவரோடு

இருந்தால்

எங்கள் வயிரும்

வாழ்வும்

நிறைந்திடுமா?

நீர் எம் பெண்குலத்தை

வலிமையற்றவராய்

பொறுமையற்றவராய்

பொறுப்பற்றவராய்

கருதிவிட்டீரோ?

பசலையை ஏன்

ஆணுக்கு தரவில்லை?

Comments: 

1186

ஆண்பிடி

இறுகும்போது

எரியும்

மின்சார 

விளக்கு 

பெண்

பிடிதளரும்போது

அணையும்

விளக்கும்

அவள்!

அவன் எரிபொருள்

அவள் எரிபவள்

பெண் பாஸிட்டிவ் டெர்மினல்

ஆண் நெகட்டிவ் டெர்மினல்

அருகில் வரும்நேரம்

பாயும் ஹை வோல்டேஜ்

மின்சாரம்!

Comments :

குறள் 1185

ப்ரிட்ஜில்
வைக்க மறந்த
இனிப்பு பண்டம்
ஒரே நாளில்
கெடுவதை போல
அவரை பிரிந்த
அடுத்த நாளே
உடலும் உள்ளமும்
கெடுவதேன்?

ஆக்சிஜன்
இன்றி
மூச்சிறைக்கும்
ஆஸ்த்மா நோயாளி
ஆகிறேன் நான்!

தரைக்கு வந்த மீனாக
வலையில் சிக்கிய புழுவாக
தவித்து போகிறேன் நான்!

பரிட்சை எழுதிவிட்டு
ரிசல்டு வர
காத்திருக்கும்
மாணவி போல
அவரை வழியனுப்பிவிட்டு
வருகைக்காக
காத்திருக்கிறேன்.

குறள் 1184

நொடிகளை

விழுங்கும்

சுறா மீன்

உன் நினைவுகள் 

அலையாய்

முன்னும்

பின்னும்

வந்து

என் மூளையை

தொட்டுச்செல்கிறது

உன் வதனமும்

வேடிக்கை பேச்சும்! 

பேசுவதெல்லாம்

உன் குணங்களை

போற்றித்தான்

அஞ்சாதவன்

அசராதவன்

அழகானவன்

நேர்மையானவன்!

இதற்கு பரிசாக

உன்னையே

தராமல்

பசலையை

ஏன் தந்தாய்?

Comments received:

குறள் : 1181

அன்பே விகாஸ்
எங்கிருக்கிறாய்
எப்படி இருக்கிறாய்
உன்னை பிரிந்து
ஒன்பது வருடங்கள்
ஆகிறதே
ஒருநாள் கூட
எனைபார்க்க
தோன்றவே
இல்லையா?
உனைபார்க்காமல்
என் தேகம்
மெலிந்து
தீபிகாவாய்
ஆனது
என்னென்ன
கற்பனைகள்
வளர்த்தோம்
அத்தனையும்
மறந்தாயோ
இருவரும்
இணைந்து
2023 இல்
வல்லரசை
சந்திக்கலாம்
என்று ஆசை
காட்டினாயே
இன்று நான்
சோற்றுக்கு
வழியின்றி
மாதம் 5 கிலோ
இலவச அரிசி
வாங்கி வாழ
நேர்ந்ததே!
இருந்தாலும்
உன்னை
நேசிக்கிறேன்
இன்று நாம்
சந்தித்த நாள்
அன்றோ
Happy Valentine's Day
My dear Vikas Maama!
Please come soon
I am dying slowly.......

- சங்கிராணி

குறள் : 1183

வரிசையாய்
உண்டு வேலைகள்
மனம் எதிலும்
செல்லவில்லை
வகைவகையாய்
உண்டு பலகாரம்
எதையும் உண்ண
நாட்டமில்லை
உறவாட ஆயிரம்
உறவுகள் உண்டு
பேசத்தான்
விருப்பமில்லை
உட்கார்ந்தோ
படுத்தோ நேரம்
கழிகிறது
எங்கோ வெறித்தோ
பார்வையோடு
என்ன மாயம்
செய்தாய்
எனை பித்தாக்கினாய்
காதல் பட நாயகனாக
தெருவெல்லாம்
அலைவேனோ
சேது விக்ரமாகி
கீழ்ப்பாக்கம்
செல்வேனோ
என்ன செய்வதாக
உத்தேசம் என்னவனே!
காதல்நோய் தந்து
கண் மறைவது சரியா?

குறள் : 1180

மறைக்கவே
நினைக்கிறேன்
அவன் மீதான
அன்பை காதலை
ஊர் பழிக்கும்
என்று!
ஆனாலும்
என் கண்கள்
காட்டிக்கொடுத்து
விடுகின்றன
ஹின்டன்பெர்க்
அறிக்கையை போல
லட்சங்களில்
செலவுசெய்கிறேன்
நிஜமுகத்தை
மறைத்துக்கொள்ள
அவனுடனான
அன்பை நட்பை
அகத்தில் வைத்திருக்க
ஆனாலும் கண்கள்
கலங்கி கண்ணீராக
வெளிவந்துவிடுகின்றன

Comments received : 

குறள் : 1178

கண்ணே

மணியே 

மட்டுமா 

சொன்னார்?

வீடு தருவேன்

விகாஸ் தருவேன்

வேலை தருவேன்

லட்சம் தருவேன்

வாழ்வையே

எனக்காக

அர்ப்பணிப்பேன்

என்று சொன்னார்

நானும் நம்பி

வாக்களித்தேன்

வாழ்க்கையையும்

அடகுவைத்தேன்

அந்தோ பரிதாபம்

எல்லாம் போனது

ஆனாலும் இந்த

பாழாய்போன

கண்கள் அவரை

காண ஏங்குவதேன்?

- சங்கி

Comments received :